520美书楼

手机浏览器扫描二维码访问

7 初遇挫敗（第2页）

「收風收得幾好啊係啊，兩個幾月前的確喺我呢度。」烏鴉接過煙抽起來。

「你好清楚，呢幾年我一直喺刮緊佢。」

「呵呵，鬼頭佢係自己主動上嚟搵我嘅，你同佢之間D嘢同我冇挐掕。」

「你最好交佢俾我。」

「交俾你？」烏鴉不屑地撣撣煙灰：「你不如自己搵佢講啊。」

「佢喺邊？」

烏鴉忽然邪氣上臉，咧開寬口：「遲咗啦喎。」

「乜意思？」

「釘咗蓋咁解。」

對方勃然變色，收起了淡定。

「俾我嘅小拳王監生打死嘅。」烏鴉很享受他此時的表情，只字不提補刀的情節。

他側頭回望身後的阿羽：「佢為咗貪D油水，私底下做大耳窿穿櫃桶底，吞咗你嗰幾球，仲攪到死埋人官非纏身嗰隻，著草去台灣。咁啱得咁橋，喺拳臺上撞咗呢個襯家...咪只可以怪佢黑仔囉。」

雷耀揚扭頭打量起瘦削清麗的阿羽，鬼頭當年跟著他也算是沖鋒陷陣一馬當先，居然命喪這樣的女流之手。

「烏鴉，你好嘢啊。」他提議：「既然你咁鍾意拳賽，我都想同你玩兩手。」

「好啊，你想點玩？」

「我出300個，搵人同你嗰金牌打仔嚟一場。」

「雷老闆你有錢係零舍架勢嘅咁如果我啲打仔輸咗呢？」

「生死自負」

烏鴉倒是有點猶豫，他在掂量這四個字之於小拳王的分量意味。

「唔敢玩咩？」雷耀揚使出激將法。

「奉陪。」

「爽快。」

駱駝看時間還早，拉著眾人要去聚聚小酌，非要留住阿羽陪同。雷耀揚有心讓烏鴉難堪，邀所有人去尖沙咀的「大東方夜總會」，那是不久之前從他手裏才要走的陀地。

夜總會仍和烏鴉掌管時一樣富麗堂皇，播放著Vivaldi的四季協奏曲，大廳多了架三角鋼琴，看起來價值不菲，格局裝飾提升了貴氣，雷耀揚換掉所有人手，就連服務生的製服都正經了不少。

烏鴉才瞧不上奔雷虎那套，衣冠禽獸玩哪門子的閑情高雅。

「嚟啊，猜一罐過！」

「啱聽！」

「發財！你頂帽啊，四眼仔~」

「六六年，一定索！」

「八匹馬，四筒筒~」

「三點三，二島寶~」

「哇，你真係屎忽撞棍~」...

最大的豪華包間內，烏鴉幾個近身細佬猜拳胡喝，各自摟著酒女扯開嗓子一頓亂嚎助興，阿羽感到疲乏不已，靠在沙發上不聲不響。

駱駝三人碰了杯，高談闊論說笑閑聊。

烏鴉又想到了壞點子，斜睨雷耀揚：「雷老闆，難得阿大佢高興，你唔叫阿珊珊過嚟就唔識做啦。」

「哈哈，我都一把年紀啦，溝女嘅嘢邊輪到我。」駱駝自嘲地說。

极天圣典  快乐加倍  崩溃地(短篇集)  软日（h合集，futa百合）  拿鸢  云澜( H 伪养成)  【咒回乙女】电波系技能能否拯救世界  当金主扫地出门后（ 娱乐圈）  兽血沸腾2  至尊龙帝陆鸣  假如熱戀（簡/繁）  落尽梨花月又西（父女）  旦那 [ 父女 Ds/SM ]  欲妄（ ）  异星独宠  衣冠楚楚【禁忌h】  原来是我弄错了？  王妃裙下犬( H)  山归  她比玫瑰美丽